​Gweledigaeth sy’n sail i’r hyn a wnawn

Rydym yn gweithio dros fyd lle’r ydym yn cysylltu pob athro â’r pethau y mae pob plentyn yn eu gwybod a’u deall ac yn gallu’i wneud. Mae asesu ffurfiannol yn offeryn y dylai pob athro ei ddefnyddio ac y dylai allu manteisio i’r eithaf arno. Gallai fod eu harf mwyaf grymus ar gyfer gwella canlyniadau i’w plant.

​Mewn gwirionedd, rydych o dan bwysau anferthol, ac mae hi eisoes yn ddigon anodd ichi gael yr amser i wneud yr hyn yr ydych orau am ei wneud a’r hyn sydd bwysicaf: sef creu profiadau dysgu gwefreiddiol i’ch plant. Rydym yn darganfod ffyrdd o sicrhau bod asesu yn gadael cymaint o amser ag sy’n bosibl ichi ar gyfer hyn.

---

​Nid ydym yn gweithio ar ein pen ein hunain

Rydym yn rhan o chwyldro asesu, yn arwain y ffordd gyda’n hofferynnau arloesol ar-lein, a dull cydweithredol mentrus o rannu’r hyn a ddysgwn.
​
Yn ogystal â gweithio’n uniongyrchol gyda dros 1,000 o ysgolion, buom yn gweithio mewn partneriaeth â GL Assessment i lunio Proffil y Cyfnod Sylfaen i Lywodraeth Cymru. Ac mae llawn cymaint o ysgolion yn Lloegr yn elwa o’r ddyfais asesu sylfaenol ar-lein yr ydym wedi ei datblygu i’r NFER, sy’n un o dri asesiad yn unig i gael cymeradwyaeth derfynol gan Adran Addysg Lloegr. Rhwng pawb, rydym wedi bod yn cefnogi cannoedd o filoedd o athrawon wrth ymdrin ag asesu fel un o hanfodion dysgu ers dros ddegawd.

---

​Nid dyna’r cyfan

Mae gan y Sefydliad Asesu hanes o greu offerynnau arloesol ar-lein a fframweithiau asesu. Ond rydym bob amser wedi dal ati i chwilio am ffyrdd o wneud yn well: i wneud eich bywydau’n haws, i adlewyrchu’n well y pethau y mae arnoch eu hangen ac i ymateb i’n systemau addysg sy’n newid yn barhaus.
​
Os nad ydym yn gweithio gyda chi ar hyn o bryd, rydym yn edrych ymlaen at y diwrnod y byddwn.